Mamma mín yndislega á afmæli í dag.........

hún fékk reyndar að heyra það í gær að þetta væri merkisafmæli þar sem núna væru fleiri ár en spilin í spilastokknum....he he he Ég á sko ofur unga mömmu. fædd 25 maí 1955.....og var aðeins 17 ára skvísa þegar hún átti mig............Og þar með eignaðist hún mig..........Úffff!!!!! Pæla í að eiga svona krakka....sko, eins og migHef sko því miður ekki alltaf verið draumabarn

Takk mamma fyrir allt og takk fyrir að vera til..........ég er sko hrikaleg mömmustelpa.........

Njóttu dagsins í botn og hvíslaðu bara hinu í dúkkuna...Þú veist hvað ég meina

Íslenska konan, flottur texti og afmælisgjafablogg texti til mömmu frá mér.

Hún bar þig heiminn og hjúfraði að sér.
Hún heitast þig elskaði og fyrirgaf þér.
Hún ætíð er skjól þitt, þinn skjöldur og hlíf.
Hún er íslenska konan sem ól þig og þér helgar sitt líf.

Með landnemum sigld hún um svarfandi haf.
Hún sefaði harma, hún vakt´er hún svaf.
Hún þerraði tárin hún þerraði blóð.
Hún var íslenska konan sem allt á að þakka vor þjóð.

Ó, hún var ambáttin hljóð
hún var ástkonan rjóð
hún var amma svo fróð.

Ó, athvarf umrenningsins
inntak hjálpræðisins
líkn frá kyni til kyns.

Hún þraukaði hallæri, hungur og fár.
Hún hjúkrað´ og stritaði gleðisnauð ár
Hún enn í dag fórna sér endalaust má.
Hún er íslenska konan sem gefur þér allt sem hún á.

Ó, hún er brúður sem skín
Hún er barnsmóðir þín.
Hún er björt sólarsýn.

Ó, hún er ást, hrein og tær
Hún er alvaldi kær.
Hún er Guðsmóðir skær.

Og loks þegar móðirin lögð er í mold
þá lýtur þú höfði og tár falla á fold.
Þú veist hver var skjól þitt þinn skjöldur og hlíf.
Það var íslenska konan sem ól þig og gaf þér sitt líf.

En sólin hún hnígur og sólin hún rís.
Og sjá þér við hlið er þín hamingjudís,
sem ætíð er skjól þitt, þinn skjöldur og hlíf.
Það er íslenska konan, tákn trúar og vonar,
sem ann þér og þér helgar sitt líf.

 

Takk mamma.

Mamma mín er best í öllum heiminum og pabbi minn er miklu sterkari en pabbi þinn......he he he.

Athugasemdir

[Hulla Dan, 25.5.2008 kl. 11:17]

Til hamingju með hana mömmu þina
Það er alltaf gott að eiga góðar mömmur. Hugsaðu þér hvað börnin okkar eru nú heppin

Æðislegur texti. Ég spilaði lítið annað hérna í fyrrasumar og ennþá meira þegar ég frétti að Ómar ætti textann.

Góðan sunnudag á þig og þína.

[Stebba (IP-tala skráð) 25.5.2008 kl. 11:30]

Til hamingju með mömmu þína og Auður til hamingju með daginn..

Flottur texti og eigið góðan dag þarna í álfablokkinni bestu kveðjur frá Selfossi

[María Guðmundsdóttir, 25.5.2008 kl. 12:58]

Til hamingju med mømmuna thina

[Jórunn Sigurbergsdóttir , 25.5.2008 kl. 13:46]

Til hamingju með hana mömmu þína.

[Signý, 25.5.2008 kl. 13:48]

Til hamingju með múttu!

Og sko, vittu til sko... svona erfið börn eru alltaf yndislegustu börnin... það segir pabbi minn allavega... Það er nefnilega víst svo gaman þegar það loksins rætist úr manni

[Katrín Ósk Adamsdóttir, 25.5.2008 kl. 14:50]

Til hamingju með mömmu þína skvís  Mömmur rokka

[Auður Hjálmarsdóttir (IP-tala skráð) 25.5.2008 kl. 15:06]

Takk takk elsku monsan mín.Það er nú ekki rétt að þú hafir verið erfitt barn. Nei sko öðru nær. Þú varst eins og hugur manns. Ég er ekkert að tala um unglingsár og einhvern kafla sem er löngu lokið:-) Það gleymist þegar maður fær að upplifa gæfuna á ný. Fallegt ljóð og þú veist nú alveg hvernig tárin brutust út núna he,he,he.Sé ykkur á eftir dúllurnar mínar. Mamma

[Eyrún Gísladóttir, 25.5.2008 kl. 16:41]

Til hamingju með múttu túttu já þú veist við vandræðabörnin eru þegar allt kemur til alls ekki svo slæm hehe.

[Ásdís Sigurðardóttir, 25.5.2008 kl. 21:00]

Innilega til hamingju með mömmu þína, þú knúsar hana frá mér.  Flott kona hún mamma þín og ábyggilega afskaplega hlý og góð manneskja. 

[Rannveig Bjarnfinnsdóttir, 25.5.2008 kl. 22:05]

Ætla að misnota aðstöðu mína hérna og óska henni Auði innilega til  hamingju með daginn   Til hamingju Auður mín og takk fyrir kvittið og innlitið til mín  

Og já það er sko rétt Elín mín þú átt yndislega mömmu.  Hún passaði nú upp á mig í leikskólanum forðum daga og svo eruð þið svooooo líkar mæðgurnar.  Sami húmorinn og báðar elskulegar

B.kv. R