Smá ferðasaga.

Fyrir utan það sem ég var búin að segja ykkur frá, þá höfðum við það bara fínt í ferðinni. Lögðum hjólhýsinu á Grundarfirði þar sem við gistum í 2 nætur. Fórum að veiða í Hraunsfirði en veiddum bara alls ekkert...jú Bjössi fékk einn lítinn titt á flugu, sem hann svo sleppti og ég fékk einn lítinn titt sem beit ekki einu sinni á heldur kræktist í greyið En Bjössi grillaði hann fyrir mig og smakkaðist hann mjög vel. Það var líka mikið lesið og að sjálfsögðu slappað af í þessari ferð. Ég eins og alltaf má ekki sjá annara manna börn þegar ég er sjálf barnslaus, því þá hellist yfir mig söknuður og aðskilnaðarkvíði Þannig að það var ósköp gott að knúsa dæturnar á sunnudeginum þegar við sóttum þær til mömmu og pabba, þar sem þær voru búnar að dvelja í góðu yfirlæti. TAKK MIKIÐ MIKIÐ ELSKU MAMMA OG PABBI FYRIR ALLT Ég er búin að vera letingji dauðans í dag og hef ekki nennt neinu. Ætla að skreppa til elsku frænku minnar hennar Þórínu sem er að passa börn í Kópavogi og eiga gott kvöld með henni. Hún fer svo til Eyja á morgunn. Svo er að fara á morgun og versla skóladótið og bækurnar fyrir mig og dæturnar og sæta leikskólatösku fyrir krýlu litlu. VEIT EINHVER HVAR ÉG FÆ FALLEGAR RÚMGÓÐAR LEIKSKÓLATÖSKUR Á GÓÐU VERÐI??????

En jæja, þarf að fara að drífa mig. Takk öll fyrir kommentin og stuðningin. 11. dagar í dag.

 

             

Komin í Hraunfjörð og erum að græja okkur fyrir veiðina.

             

Fallegt þarna, þvílík náttúruperla

             

Komin í veiðigallann

              

 

            

            

Risafiskur?????????

           

Ekki svo...hmmm....þetta er sko borðhnífur við hliðina á honum

           

og þá er að grilla

           

Flotta hjólhýsið

          

Glaðlegar heybaggarúllur

         

         

        

Tókum þessa á leið til Reykjavíkur

 

Góða nótt og sofið rótt Kem svo með nýja færslu á morgun.....

Ég vil votta Hrossu og fjölskyldu mína dýpstu samúð og bið algóðan Guð að vaka yfir ykkur og gefa ykkur styrk

Athugasemdir

[Huld S. Ringsted, 20.8.2007 kl. 20:54]

Flottar myndir, sérstaklega af RISAfisknum þínum

[Ásdís Sigurðardóttir, 20.8.2007 kl. 21:02]

Æðislegar myndir, þetta hefur nú verið ljúft þótt lítið sé um veiðina. Gangi ykkur vel í skólaundirbúningi. Ég veit ekkert um töskur í bænum en lét kaupa tvær fyrir mig í Köben handa dóttursyni sem er að fara í 8 ára og dótturdóttir sem er að byrja í fyrsta sinn, borgaði 9000 fyrir tvær rosa flottar og frían flutning heim.

[Einar Indriðason, 20.8.2007 kl. 23:11]

Nauhau... þessar myndir núna eru eitthvað svo "venjulegar" ... trúi þeim ekki, miðað við fyrri myndir frá þér :-P

Annars er gott að heyra að loftvinnslan er enn í gangi :-)

[Helga Ben (IP-tala skráð) 21.8.2007 kl. 00:25]

hæhæ Elín. Þetta var greinilega góð helgi hjá ykkur hjónum. til lukku með reykleysið, það er eina leiðin, eina leiðin

En ótrúlega flottar myndirnar af ykkur í myndaalbúminu, þið eruð hvert öðru myndarlegra

[Elín Katrín Rúnarsdóttir. , 21.8.2007 kl. 09:04]

Já Huld mín, þetta er aldeilis risafiskur

Takk Ásdís mín, jú þetta var sko BARA LJÚFT!!!!

Takk Valli minn, já það er satt það er sko yndislegt að vera úti í náttúrunni

En Einar, þetta er samt allt satt

Arna, takk fyrir kommentið og gaman að heyra í einhverjum sem þekkir til í Hraunsfirði....þá veit maður það það er semsagt ekki auðvelt að fá fisk þarna....en hvernig er að veiða í Baulu?

Takk elsku bestasta mágkona mín og takk fyrir kommentið Love you

[RunEl (IP-tala skráð) 21.8.2007 kl. 13:52]

Skemmtilegar myndir hjá þér og eins og þú sérð ef þú fylgist með síðunni mini þá tek ég iðulega frá þér efni. Mér finnst það þess eðlis að fleiri eigi að fá tækifæri til að sjá það.

Enn á ný óska ég þér til hamingju með árangurinn í reykleysinu.

Í klaufaskap mínum hef ég týnt símanúmerinu hans Bjössa.

Kærar kveðjur.

Bið að heilsa öllum

[Sædís Ósk Harðardóttir, 21.8.2007 kl. 21:55]

flott að þú hafðir það gott, og gangi þér áfram vel í reykleysinu:)