Þú ert forrík manneskja að eiga öll þessi fallegu börn sem eru hvert öðru gerðarlegra. En það er sitthvað gæfa eða gjörvuleiki en ég vona sannarlega að  börnin þín hafi hvorutveggja að bera.

Bjössi segirðu; man eftir einum sem var vinur Davíðs bróður; Bjössi var dálítill töffari í þá daga og gott ef þeir bjuggu ekki í sömu blokk í Breiðholtinu. Mér sýnist þetta vera sá piltur en er ekki viss.

Eftir grunnskóla héldu þeir sína hvora leiðina; Davíð fór í menntaskóla en Bjössi að vinna. Þ. E. ef um þann Bjössa er að ræða. Minnir að Davíð hafi hitt þann Bjössa ekki fyrir svo löngu og allt sé í góðu hjá honum. Úr honum rættist mjög vel og ekki veit ég annað en hann sé á góðu róli og gott betur.

Veit ekki hvort það er þinn maður, en læt Davíð bróður minn í málið og þá ætti það að vera ljóst hvort um sama manninn er að ræða. Gott ef sá Bjössi átti ekki systur, Jónu Fanney sem nú er bæjarstjóri á Blönduósi; eða er ég að rugla? 

Gaman að skoða myndirnar af fjölskyldunni. 

Þetta er æðisleg mynd Elín mín.  Þið eruð sko flott fjölskylda. 

LUV Rannveig