Vá!!!! Í alvöru :( Ég fæ tár í augun.....

Ég hef engra sérstakra hagsmuna að gæta eða þ.e.a.s. á engar innistæður í neinum bönkum og hef átt lítið annað en skuldir síðustu ár, enda lifði ég lífi mínu í móðu um nokkurra ára skeið, sem gerði það að verkum að ég var ekkert að pæla í að borga eitt né neitt :( Undanfarin rúm 5 ár hefur mig langað ofboðslega að leggja eitthvað fyrir og reyna að borga mig niður á núll....eignast kannski eigið húsnæði og þurfa ekki að vera inn á aðra komin í sambandi við raðgreiðslur og annað slíkt. Það er meira að segja ekki langt síðan mér var boðið í mínum banka að opna sparnaðarreikning sem bundin átti að vera til sjö ára. Ég afþakkaði það, þar sem ég sá mér ekki fært að vera að leggja inn og spara þegar ég átti ekki einu sinni nóg fyrir skuldunum.

Aldrei hefði mér dottið það í hug að ég ætti eftir að verða svona þakklát fyrir mitt hlutskipti :) Að eiga ekkert er besta staðan sem ég get verið í á þessum tímapunkti, þó svo að slæmt sé. Mér er hugsað til allra þeirra sem lagt hafa hald sitt og traust á bankana sína og Íslenska ríkisstjórn árum saman og bið Guð að réttlætið megi ná fram að ganga...Hér þarf svo sannarlega kraftaverk og bið ég því Guð um algjöran sigur og lausn inn í líf hvers og eins Íslendings og eins þeirra sem erlendis búa og eru á Íslenskum námslánum, ellilífeyri, eða örorkubótum og lepja nú dauðan úr skel. Ég vil reyna samt sem áður að hugsa jákvætt, því að það er mín skoðun að bölsýni og neikvæð orð og hugsanir gera bara illt verra.

Ég er líka ef satt skal segja búin að vera hálfhrædd um föðurarf barnanna minna sem bundinn er inn á bankabók þangað til þau ná 18 ára aldri.

Spurning um að þeir sem eiga að þrífa upp skítinn eftir sig einbeiti sér að því að borga hverjum og einum út það sem hver og einn á inni og gefi svo viðkomandi brynn og eldvarinn peningaskáp, þar sem það virðist á þessari stundu mikið öruggara að geyma peningana sína heima hjá sér en í lokuðum banka. Ekki hræða mig auglýsingar á borð við þá sem einhver plebbinn lét gera þar sem Lalli Johns lék aðalhlutverk, til að fá fólk til að kaupa tryggingu eða heimavörn eða hvaða drasl það var nú. Á meðan sú auglýsing var sýnd var hinn almenni borgari grunlaus um hver myndi að lokum reynast verst.

Ég óska ykkur öllum sem eigið um sárt að binda á þessari krepputíð, farsældar, réttlætis og hamingju og aldrei fyrr hef ég óskað jafn heitt að orð mín rætist. KNÚS Á HINN ALMENNA BORGARA

Reiðir viðskiptavinir Landsbankans

Athugasemdir

[Birna Dis Vilbertsdóttir (IP-tala skráð) 7.10.2008 kl. 15:06]

Ég á pening í Landsbankanum.Treysta Guða það virkar

[Anna Sigga, 7.10.2008 kl. 15:06]

Þetta var nú fallegt :) Ég vona líka heitt og innilega að þetta fari allt á besta veg.

[Signý, 7.10.2008 kl. 18:46]

Eigum við ekki að halda í íslensku bjartsýnina og segja bara...

Þetta reddast!...

[Jórunn Sigurbergsdóttir , 7.10.2008 kl. 19:39]

Ég vona svo sannarlega að börnin þín fái föðurarfinn.

[Rúna Guðfinnsdóttir, 8.10.2008 kl. 09:06]

Ég á enga peninga, nema smá afgang síðan um sl. mánaðamót. Ég skulda eiginlega ekki neitt, þannig að ég er vel sett.

Já Ella mín, við höfum ekki þurft að hræðast smákrimma og kaupa rándýrar tryggingar fyrir þeim.  Fjármálakerfið reyndist stærsti þjófurinn en engar tryggingar eru nógu sterkar til að verjast því.

Gangi þér sjálfri vel og takk fyrir falleg orð.